Remzije Zeka Sherifit, i’u nda mirënjohje për ndihmën dhe kontributin e dhënë për komunitetin shqiptar në Britani të Madhe, si dhe për arritjet e shquara të saj.
Kryetari i Komunës së Gjilanit Alban Hyseni, tha se pati kënaqësinë dhe nderin të pres në takim bashkëvendësen tonë, Remzije Zeka Sherifin, aktiviste dhe humaniste e shquar në Skoci.
“E njohur për kontributin e saj në mbrojtje të të drejtave të emigrantëve, znj. Sherifi është nderuar nga Mbreti Charles me titullin OBE – Officer of the Most Excellent Order of the British Empire, duke u bërë e para shqiptare që merr këtë dekoratë të lartë”, tha Alban Hyseni.
I pari i Gjilanit, tregoi se ajo është shpallur edhe Gruaja Emigrante e Vitit në Britani (2013) dhe një nga 10 gratë e shquara të Skocisë (2017).
“Gjatë këtij takimi, i ndamë znj. Sherifi një mirënjohje për ndihmën dhe kontributin e dhënë ndaj komunitetit shqiptar në Britani të Madhe, si dhe për arritjet e shquara të saj. Faleminderit znj. Remzije për shembullin dhe përkushtimin tuaj”, tha kryetari Hyseni./GJILANI INFO/
