Sektori i sportit në Komunën e Gjilanit, po vazhdon të shënoi rezultate të mëdha sidomos ditëve të fundit, ku pati lajme të mira.
Pas sukseseve të katër karateistëve nga Komuna e Gjilanit në kampionatin Evropian për Senior në Armeni, po punohet edhe për ndërtimin e palestrës së karatesë në qytetin e Gjilanit.
Po ashtu u vendos në Organin Shyqrtues të Prokurimit edhe për ndërtimin e Stadiumit të Gjilanit dhe do ketë edhe dy stadiume ndihmëse.
Kryetari i Komunës së Gjilanit, Alban Hyseni, tha se kjo definitivisht është “Java e Sportit për Gjilanin”.
“Medalje, stadiumi i qytetit + 2 stadiume ndihmëse të reja, dhe tash edhe një kompleks për sportet luftarake”, tha Alban Hyseni.
I pari i Gjilanit, theksoi se 10/10 për sportin, për sportistët tanë, për Gjilanin.
“Me këto Gjilanin po e kthejmë në kryeqendër të sportit falë suksesit të sportistëve” , tha kryetari Hyseni./GJILANI INFO/
