Kryetari i Komunës së Gjilanit, bashkë me drejtorin për Kulturë, Rini e Sport, Kushtrim Zeqiri dhe zyrtarin e Galerisë së Arteve në Gjilan, Din Azizi, po marrin pjesë në njërën prej skenave më të mëdha botërore, në Bienalen e Venecias.
“Pak javë më parë, kur e pritëm Brilant Milazimin në zyrë, diskutuam për ëndrrën e tij dhe rrugëtimin drejt skenës më të madhe botërore”, tha Alban Hyseni.
I pari i Gjilanit, theksoi se sot, ajo ëndërr është realitet dhe ne jemi dëshmitarë të një momenti historik.
“Jam jashtëzakonisht krenar që Komuna e Gjilanit e ka mbështetur Brilantin në këtë rrugëtim dinjitoz. Sot, kur Pavijoni i Kosovës hap dyert në Bienalen e Venecias, Gjilani nuk është thjesht spektator, por partner i këtij suksesi. Brilant, suksese ty dhe gjithë ekipit. Gjilani sot feston bashkë me ju”, tha kryetari Alban Hyseni./Gjilani INFO/
