Pas kualifikimit në fazën e grupeve të Ligës së Konferencës, të Klubit të Futbollit “Drita”, njëherësh edhe kampioni i Kosovës, ka uruar edhe kryetari i Komunës së Gjilanit Alban Hyseni.
I pari i Gjilanit, tha se historia shkruhet përsëri “FC Drita nga Gjilani, kualifikohet në fazën e grupeve të Ligës së Konferencës, një sukses i madh për klubin, qytetin dhe gjithë futbollin kosovar. Gjilani, është kryeqyteti i krenarisë dhe futbollit kosovar”, tha kryetari Alban Hyseni.
Në ndeshjen e kthimit të play-offit, Drita mposhti Differdange me rezultat 1-0 në Luksemburg, ku dhe ka siguruar kualifikimin historik në fazën e grupeve të Ligës së Konferencës së UEFA-s./GJILANI INFO/
