20 persona me aftësi të kufizuara do të angazhohen në bizneset lokale në periudhë kohore prej 1 viti dhe subvencionim mujor në shumë prej 300€ nga komuna e Gjilanit, si dhe pagesë të kontributeve dhe pensioneve dhe mundësi të rritjes së pagës nga kompania që angazhohet, ka njoftuar Kryetari Hyseni.
“Tejet i lumtur që bizneset lokale iu përgjigjën thirrjes tonë për punësimin e personave me aftësi të kufizuara. Për t’i njoftuar nga afër, realizuam vizita në disa nga bizneset prodhuese/përpunuese në komunën tonë të cilat kanë shprehur gatishmëri për punësimin e personave me aftësi të kufizuara, si “Bujana Produkt”, “Palma”, “RC Cola” dhe “Albimi”,ka thënë ai.
Hyseni ka thënë se u jemi falënderues bizneseve të cilat e mirëpritën thirrjen tonë, e cila përpos punësimit e përvojës, iu hap dyertë për mundësi të reja, integrim e pavarësi financiare. U bëjmë thirrje të na bashkohen edhe bizneset tjera lokale, për përfshirje sa më të madhe në punësim të këtij komuniteti./GJILANI INFO/
