Kreu i Komunës së Vitisë, Sokol Haliti, ka marrë pjesë në një takim sot që është mbajtur në Zyrën Rajonale të Organizatës për Siguri dhe Bashkëpunim në Evropë (OSBE) në Gjilan.
Ndërkaq është takuar me Shefin e Misionit të OSBE-së në Kosovë, Ambasadorin Gerard McGurk, si dhe me ambasadorë nga vendet e Beneluksit dhe ato nordike.
Në takimin e përbashkët, u diskutua mundësia e forcimit të bashkëpunimit ndërkomunal dhe avancimit të iniciativave që nxisin unitetin dhe mirëkuptimin mes komuniteteve të ndryshme.
Ambasadori McGurk ka ritheksuar mbështetjen e vazhdueshme të OSBE-së për përpjekje që promovojnë përfshirjen, dialogun dhe adresimin e çështjeve të interesit të përbashkët për të gjitha komunitetet.
E, kryetari Haliti ka falënderuar OSBE-në si dhe partnerët ndërkombëtarë për angazhimin dhe përkrahjen e vazhdueshme.
Ndërkaq, ka shprehur edhe gatishmërinë vazhdimin e bashkëpunimit në shërbim të qytetarëve dhe të gjithë rajonit.
Ambasadori McGurk, në këtë takim ka vlerësuar lartë komunën e Vitisë për progresin e arrijtur./GJILANI INFO/
