Në këtë shkollë, pos rivitalizimit është duke u ndërtuar edhe palestra sportive.
Kryetari i komunës së Vitisë, Sokol Haliti me bashkëpunëtorë ka vizituar sot fshatin Sllatinë të Epërme, ku po zhvillohen punimet në rivitalizimin e Shkollës Fillore të Mesme të Ulët “Nijazi Rexhepi”.
Pra, në kuadër të projektit të Fondit të Kosovës për Efiçiencën e Energjisë (FKEE) dhe përfshin ndërhyrje të rëndësishme në infrastrukturën e shkollës.
Në këtë shkollë po ndërtohet edhe palestra sportive shkollore.
Kryetari Haliti tha se komuna e Vitisë, po punon në krijimin e kushteve më të mira për mësim për nxënësit dhe mësimdhënësit, jo vetëm për mësim, por edhe për aktivitetet sportive.
Përndryshe në kuadër të FKEE-së, punime të ngjashme po realizohen edhe në shkolla të tjera dhe objekte publike komunale, me qëllim të rritjes së efiçiencës së energjisë dhe përmirësimit të kushteve për nxënësit dhe qytetarët./GJILANI INFO/
