Kreu i Komunës së Vitisë, Sokol Haliti, ka pritur sot në një takim zv.komandantin e KFOR-it, gjeneral brigade Cahit Irican.
Gjatë këtij takimit është diskutuar lidhur me situateën e sigurisë në komunën e Vitisë, bashkëpunimin ndërinstitucional si dhe mbështetjen që KFOR-i ofron për këtë pjesë të Rajonit të Gjilanit.
Në këtë takim, kryetari Haliti ka falënderuar gjeneralin Irican për angazhimin e vazhdueshëm të KFOR-it dhe secilin ushtar që është në shërbim në Kosovë, në veçanti në komunën e Vitisë, si dhe për misionin e tyre në ruajtjen e paqes dhe stabilitetit në vend.
“Komuna e Vitisë është ndër komunat më të qeta në Kosovë, me raporte të mira bashkëjetese përkundër dallimeve fetare dhe etnike.”, ka theksuar kreu i kësaj komune.
Ai ka njoftuar për projektet ekzistuese si dhe ato që parashihen, duke përmendur edhe partneritetet e shumta që komuna ka me qytete nga vende të ndryshme të botës.
Ndërkaq, gjenerali i brigadës Cahit Irican shprehu kënaqësinë që ndodhet në Viti, duke e vlerësuar si njërën nga komunat më të qeta dhe paqësore në Kosovë.
Ai ka falënderuar për bashkëpunimin e ngushtë me ekipet e KFOR-it, i cili sipas tij ofron një ambient të qetë dhe të sigurt për të gjithë qytetarët.
“Kur kemi siguri, është më e lehtë të punohet në zhvillimin ekonomik,” theksoi gjenerali Irican, duke garantuar vazhdimin e mbështetjes nga KFOR-i për iniciativat që kontribuojnë në siguri dhe mirëqenie në komunë.
Në fund të takimit, kryetari Haliti i dhuroi gjeneralit Irican një mirënjohje në shenjë vlerësimi për kontributin dhe bashkëpunimin e tij me komunën e Vitisë, por një dhuratë me simbolet e KFOR-it pati edhe zv.komandanti për kryetarin Haliti./GJILANI INFO/
