Kryetari i Komunës së Vitisë, Sokol Haliti, është pritur në një takim zyrtar nga kryetarja e Komunës së Saint-Julien-en-Genevois, znj. Véronique Lecauchois, së bashku me bordin e drejtorëve dhe nënkryetaren e kësaj komune franceze.
Gjatë takimit u diskutua përgatitja e binjakëzimit mes dy komunave, organizimi i vizitave të ndërsjella dhe mundësitë e bashkëpunimit në fusha të ndryshme si zhvillimi ekonomik lokal, arsimi, kultura dhe shkëmbimet rinore.
Të dy palët shprehën gatishmërinë për të thelluar partneritetin dhe për të ndërtuar ura të qëndrueshme bashkëpunimi në shërbim të qytetarëve të të dy komunave./GJILANI INFO/
