Sot në Viti, po qëndron një ekip mobil i cili po ofron vaksinimin falas të qytetarëve kundër gripit sezonal dhe kundër Covid-19.
Ky aktivitet po bëhet në kuadër të fushatës “Ruaje veten-VAKSINOHU!”, dhe është organizuar nga Ministria e Shëndetësisë, Instituti Kombëtar i Shëndetësisë Publike të Kosovës, në bashkëpunim me drejtorinë e Shëndetësisë dhe QKMF-në e Vitisë. Me këtë rast ekipin mobile e ka vizituar sot i pari i komunës së Vitisë,
Sokol Haliti i shoqëruar nga Merrushe Ahmeti, DSHMS dhe Vjollca Kadolli-Halili, QKMF. Kryetari Haliti ju bëri thirrje qytetarëve që të shfrytëzojnë këtë mundësi pasi që është në interes të shëndetit të tyre./GJILANI INFO/
