Kryetari i komunës së Vitisë Sokol Haliti dhe drejtoresha e Arsimit Arta Ajeti kanë pritur në një takim Drejtorin e Drejtorisë rajonale të Policisë në Gjilan, Kolonel Agron Rukiqi me stafin e tij.
Takimi është mbajtur në vazhdën implementimit të ‘’Strategjia e integruar e policimit të drejtuar nga intelegjenca dhe policimit në bashkësi’’ dhe implementimit të planeve operacionale ‘’Fillimi i vitit të ri shkollorë dhe siguria në shkolla 2023-2024’’
Ndërkaq, qëllimi i këtij takimi ka qenë bashkëpunimi i Policisë së Kosovës me DKA-në, personelin shkollor, këshillin e prindërve dhe këshillin e nxënësve në parandalimin dhe luftimin e dukurive negative në shkolla, përreth tyre dhe siguria e përgjithshme në shkolla.
Në takim gjendja e sigurisë nëpër shkolla dhe rreth tyre është vlerësuar e qetë dhe stabile.
Kolonel Rukiqi theksoi se që nga fillimi i vitit të ri shkollor Drejtoria rajonale e Policisë në Gjilan është duke vazhduar me detyra konkrete për njësitet në terren duke planifikuar që në të gjitha shkollat dhe përreth ambienteve të tyre të ketë prezencë të shtuar të policisë. Po ashtu janë duke u implementuar dhe do të implementohen projekte, fushata e ligjërata vetëdijësuese me qëllim të parandalimit të dukurive negative dhe rritjes së nivelit të sigurisë në ambientet shkollore.
Kryetari Haliti dhe Drejtoresha e Arsimit, Ajeti, jane shprehen të kënaqur me bashkëpunimin me Policinë e Kosovës, nga i cili bashkëpunim gjendja e sigurisë në shkolla të kësaj komune është e qetë.
Të pranishmit ne takim jane dekoduan që bashkëpunimi dhe koordinimi në mes të institucioneve do të jetë i vazhdueshëm.
Përndryshe në takim ishin prezent edhe drejtorët e shkollave të mesme të larta të komunës së Vitisë dhe kryetari i këshillit të prindërve Z.Avdyl Misini./GJILANI INFO/
