Në prag të Vitit të Ri 2025, kryetari i komunës së Vitisë, Sokol Haliti, dhe drejtoresha e arsimit në Viti, Arta Ajeti, kanë vizituar sot fëmijët e Çerdhes “Gëzimi Ynë” në Viti, duke ndarë dhurata për ta.
Gjatë këtij aktiviteti, kryetari Haliti dhe drejtoresha Ajeti u kanë uruar fëmijëve dhe stafit të çerdhes Vitin e Ri. Si shenjë mirënjohjeje, fëmijët e çerdhes kanë dhuruar kartolina me urime për kryetarin dhe drejtorin, të cilat janë përgatitur nga vetë ata. Përveç kësaj, është bërë me dije se dhurata do të ndahen edhe për fëmijët e paraleles së ndarë të kësaj çerdhe në Çifllakë./GJILANI INFO/
