Me një buxhet prej 135 mijë eurosh, për herë të parë në historinë e Gjilanit, komuna ka ndarë grante për bizneset lokale, ka theksuar kreu i kësaj komune, Alban Hyseni.
U nënshkruan kontratat per 46 përfitues, prej tyre 34 biznese të reja Start-Up dhe 12 gra ndërmarrëse të cilat do zgjerojnë bizneset e tyre. Dhe më shumë se 60 vende të reja pune dhe mbi 120 pajisje të punës do të financohen për përfituesit, tha ai.
Kryetari Hyseni është shprehur i lumtur që po fuqizohet rinia dhe gratë në biznes, me c’rast edhe ka uruar shumë suksese të përfituesit./GJILANI INFO/
