Kryeprokurori i Prokurorisë Themelore në Gjilan, Arben Kadriu, së bashku me prokurorin nga Departamenti për Krime të Rënda, Isuf Sadiku, kanë pritur në takim përfaqësues nga Zyra Ligjore e KFOR-it amerikan, kapitenin Ryan Adams dhe kapitenen Laura Eckstein.
Në fillim të takimit kryeprokurori Kadriu dhe prokurori Isufi falënderuan përfaqësuesit e KFOR-it amerikan për vizitën dhe i njoftuan të njëjtit lidhur me punën, organizimin, funksionimin dhe kompetencat e kësaj prokurorie.
Po ashtu, u vlerësua roli i tyre në ruajtjen e sigurisë, paqes dhe stabilitetit gjatë realizimit së detyrave të tyre dhe u pajtuan për bashkëpunim të mëtutjeshëm mes vete. /GJILANI INFO/
