Agushi ka bërë me dije se BNA-ja është subjekt serioz që respekton statutin e partisë dhe në takimet e fundit të kryesisë të mbajtur në lidhje me këtë çështje, unanimisht ka marr bekimin e për të qenë kandidat për kryetar të Komunës së Gjilanit.
Ai tha se edhe lista e kandidatëve që do të garojnë për anëtarë të kuvendit do të jetë gati në afatin optimal dhe se, ajo që garantojnë është se do të jetë një listë vërtetë përfaqësuese e qytetarit.
“Unë jam kandidat më i besueshëm te qytetarët sesa kandidatët tjerë që mund të jenë të partive tjera, ata që po përfliten, sepse unë asnjëherë nuk i kam gënjyer e as zhgënjyer qytetarët gjilanas. Të tjerët, nga të gjitha subjektet politike pa dallim, kanë pasur pushtet dhe qytetari i ka provuar, është zhgënjyer me ta dhe edhe i ka ndëshkuar me votë duke kërkuar ndryshimin. E kësaj radhe këtë ndryshim qytetarët do ta bëjnë duke e mbështetur BNA-në, mua si kandidat për kryetar por edhe listën e kandidatëve për anëtar kuvendi”, ka thënë Isa Agushi, kreu i BNA-së.
Kur jemi te ky subjekt, Agushi thotë se atë nga subjektet tjera e dallon fakti që nuk i ka gënjyer asnjëherë qytetarët sikurse subjektet tjera, po ashtu atë individualisht, si anëtar i Kuvendit Komunal për më se tetë vite, e kanë parë që ishte i drejtpërdrejtë dhe gjithherë ka folur dhe i ka mbrojtur interesat e qytetarëve duke mos e pranuar kushtëzimin nga askush.
“Po ashtu ne jemi subjekt vendor që nuk kemi shefa në Prishtinë dhe të gjitha vendimet ne i marrim duke u bazuar në interesin qytetar”, thotë në fund Isa Agushi, kreu i Bashkimit për Ndryshim Anamorava, njëherësh kandidat për kryetar komune, në zgjedhjet lokale që pritet të mbahen në tetor të këtij viti./GJILANI INFO/
