Komuna e Vitisë, konkretisht Drejtoria për Kulturë, Rini dhe Sport, ka vazhduar në bashkëpunim me të tjerët që të zhvilloj aktivitete për nderë të “Ditët të Diasporës”, që kanë nisur me 1 gusht. Kështu gjatë ditëve të fundit pos kolonisë artistike që është mbajtur në shesh të qytetit të Vitisë është zhvilluar edhe për dy ditë rresht panairi tradicional i produkteve
“T’i ruajmë vlerat tona tradicionale”, që u organizua nga Drejtoria për Bujqësi, Pylltari dhe Zhvillim Rural të kësaj komune me partnerët e saj.
Gjithashtu në ditën e parë është bërë edhe promovimi i veprave të autorit Engjël Koliqi, është mbajtur koncerti i hapur për qytetarë dhe u zhvillua në hapësirë të hapur një aktivitet sportiv në Ping Pong. Ndërkaq në ditën e dytë është organizuar edhe një ndeshje në Streetball në mes të KFOR-it Amerikan dhe Klubit të Basketbollit “KF Vitia”.
Poashtu dje u dha edhe një informatë rreth organizimit të bibliotekës së qytetit “Ramadan Musliu” si dhe u bë prezantimi i eksponateve nga muzeu i qytetit. Kurse sipas agjendës së paraparë me 12 gusht do të mbahet edhe Festivali ndërkombëtar i vallëzimit “Anamorava Folk Fest” në sheshin e qytetit pranë shtëpisë së kulturës./GJILANI INFO/
