Komuna e Vitisë, ka shënuar sot ditën botërore të zemrës dhe atë nën organizimin e Qendrës Kryesore e Mjekësisë Familjare në Viti. Fillimisht është mbajtë një takim në QKMF me qytetarë ku janë dhënë këshilla për sëmundjet e zemrës, ushqyeshmërinë dhe aktivitetin fizik.
Pastaj, në qendër të qytetit të Vitisë, një ekip i QKMF-së ka bërë matjen e tensionit dhe sheqerit dhe iu janë shpërndarë qytetarëve fletushka që përmbajnë këshilla për shëndetin dhe aktivitetin fizik, konkretisht se si të parandalojmë shtypjen e lartë të gjakut./GJILANI INFO/
