Në kuadër të projektit rajonal “Rritja e bashkëpunimit në Ballkanin Perëndimor në menaxhimin e ekstremizmit të dhunshëm në burgje dhe parandalimi i radikalizimit të mëtejshëm pas lirimit”, i zbatuar në kuadër të fazës së tretë të Programit të Instrumentit Horizontal në Ballkanin Perëndimor, bashkë-financuar nga BE-ja dhe Këshilli i Evropës dhe zbatuar nga Këshilli i Evropës sot në Viti, është mbajtur një takim për formimin e Fokus Grupit të përbërë nga zyrtar komunal, përgjegjës për edukim, organizim te trajnimeve profesionale, si dhe përgjegjës për mirëqenien sociale ne komune.
Sipas Skënder Perteshit përfaqësues nga Qendra Kosovare për Studime të Sigurisë (QKSS), ky projekt kërkimor mund të shihet si një studim fizibiliteti në bazë të të cilit do të bëhen rekomandime gjithëpërfshirëse për secilin përfitues drejt menaxhimit, rehabilitimit dhe riintegrimit të suksesshëm të BEDh-ëve, të burgosurve të margjinalizuar dhe të cenueshëm në rrezik nga radikalizimi.
Formimin e këtij Fokus Grupi e ka mirëpritur edhe zv. Kryetari I komunës së Vitisë, Hasan Aliu i cili shprehu gatishmërinë e komunës për bashkëpunim në interes ë komuniteteve. Përndryshe pjesë e këtij fokus grupi pritën të jenë përfaqësues nga Qendra e Punësimit, drejtoria për Shëndetësi dhe Mirëqenies Sociale, drejtoria e Arsimit, Policia e Kosovës, organizatat jo qeveritare, sektori i pensioneve dhe të tjerë./GJILANI INFO/
