Zëdhënësja e Komunës së Kamenicës Lidiona Marovca, sot, së bashku me Shefen e Zyrës së Këshillit të Europës në Kosovë znj. Mary-Ann Henessy, kanë nënshkruar kontratën për projektin “Forcimi i qeverisjes shumënivelëshe dhe demokracisë pjesëmarrëse”.
Në kuadër të këtij projekti, Komuna e Kamenicës do të forcojë edhe më shumë transparencën dhe llogaridhënien për qytetarët e saj, si dhe kjo është përpjekje shtesë për të treguar edhe një herë vullnetin institucional për të punuar edhe më shumë në implementimin e vlerave të demokracisë.
Në mesin e komunave të Kosovës të cilat kanë aplikuar në këtë projekt, Komuna e Kamenicës është në mesin e 5 komunave përfituese të grantit.
Rikujtojmë se Komuna e Kameniës ka pasur bashkëpunim edhe më herët me Këshillin e Europës në kuadër të projektit ROMACTED II./GJILANI INFO/
