Sektori blegtoral, po vazhdon të fuqizohet edhe më shumë në Komunën e Gjilanit.
2.8 milionë euro investime në bujqësi janë bërë vetëm për 3 vjet.
Drejtoria për Bujqësi, ka hapur thirrjen për subvencionimin e vaksinimit dhe inseminimit të kafshëve.
Kjo po bëhet me qëllim të ndihmës për fermerët në përmirësimin e shëndetit të kafshëve dhe rritjen e cilësisë së racave.
Subvencioni mbulon kostot për vaksinim dhe inseminim artificial, në bashkëpunim me veterinarë të licencuar.
Kryetari i Komunës së Gjilanit, Alban Hyseni, tha se 2.8 milionë euro investime në bujqësi janë vetëm për 3 vjet.
Sipas tij inseminimi artificial dhe vaksinimi i kafshëve, është projekt i ri që ndihmon fermerët tanë në rritjen e produktivitetit dhe parandalimin e sëmundjeve.
“Bujqësia vazhdon të jetë shtyllë kryesore e qeverisjes sonë”, tha kryetari Alban Hyseni./GJILANI INFO/
