“Në përvjetorin e rënies heroike të komandantit Agim Ramadani, bëmë homazhe para bustit të tij, duke nderuar sakrificën dhe guximin e jashtëzakonshëm që ai dha për lirinë e Kosovës”, ka thënë Alban Hyseni, kryetar i Komunës së Gjilanit.
Ai shtoi se Komandant Katana, me vizionin dhe vendosmërinë e tij të hekurt, ishte një udhëheqës që i dha gjithçka atdheut, duke u bërë një figurë që do të mbetet përherë në zemrat dhe mendjet e shqiptarëve.
Kryetari Hyseni tha se Liria dhe pavarësia që gëzojmë sot janë rezultat i sakrificës së tij të paçmueshme. Emri i tij do të mbetet i gjallë përjetësisht në Gjilan dhe të gjithë Kosovën, duke simbolizuar luftën dhe flijimin për atdheun.
“Lavdi e përjetshme për komandantin Agim Ramadani dhe të gjithë ata që dhanë jetën për lirinë e Kosovës”, ka thënë, kryetari i Gjilanit, alban Hyseni. /GJILANI INFO/
