Performanca e shfaqur në ndeshjen e xhiros së 19-të në Albi Mall Superliga është vlerësuar me çmimin “Ylli Javës” për futbollistin Kenan Haxhihamza, i cili me pritjet e tij ishte krucial në fitoren e skuadrës së regjistruar në udhëtim te Llapi (0-1).
Gardiani i ekipit pranoi çmimin në ambientet e Federatës së Futbollit të Kosovës, pas vlerësimit nga Komisioni i Veteranëve të Futbollit në përbërje të Naim Kodraliu, Denis Isaja dhe Xhavit Mehmetit
Me të pranuar çmimin, Haxhihamza u shpreh i lumtur për fitoren e vështirë në udhëtim të cilët e ariti së bashku me grupin dhe besojnë që ky do jetë fillimi i rezultateve pozitive në stinorin pranveror të kampionatit që do ti ndihmojë në realizimin e objektivave.
“Është rëndësishme që kemi fituar ndeshjen e parë sepse është një hap i rëndësishëm për hapjen e sezonit. Kjo është një rezultat i punës që kemi bërë në fazën përgatitore. Çmimin ia dedikoj të gjithë atyre që kanë investuar në mua që nga dita e parë, gjithashtu bashkëlojtarëve të cilët kanë derdhur djersë që rezultati i ndeshjes të mbrohet”, deklaroi Haxhihamza për faqen zyrtare të FFK-së./GJILANI INFO/
