Sot, Këshilli i Bashkësisë Islame (KBI) në Gjilan, në bashkëpunim me Departamentin Kombëtar të Transfuzionit të Gjakut (DKTGJ), organizoi një aksion për dhurimin vullnetar të gjakut në Xhaminë e Dardanisë në Gjilan.
Aksioni u mbajt pas faljes së namazit të xhumasë dhe u karakterizua nga pjesëmarrje e madhe e besimtarëve, të cilët treguan humanizëm dhe përgjegjësi shoqërore.
Gjatë këtij aktiviteti humanitar, gjithsej 65 qytetarë dhuruan gjak në mënyrë vullnetare.
Ky organizim dëshmon përkushtimin e Këshillit të Bashkësisë Islame në Gjilan dhe institucioneve shëndetësore për të kontribuar në shpëtimin e jetëve dhe për të forcuar solidaritetin në shoqëri.
Organizatorët falënderuan të gjithë pjesëmarrësit për gatishmërinë dhe kontributin e tyre në këtë kauzë fisnike, ka njoftuar Kryeimami, Iljas Mustafa./Gjilani INFO/
