Kampioni i Kosovës, Ballkani i Therandës, është gati për sfidën e parë të fazës së grupeve të Conference League.
Futbollistët therandas kanë shkruar historinë si skuadra e parë nga Kosova, që ka arritur në mesin e skuadrave më të mira.
Ata janë përgatitur maksimalisht për ndeshjen e të enjtes., kundër ekipit nga Rumania CFR Cluj 1907.
“Pritjes po i vije fundi, edhe dy ditë kanë mbetur deri në debutimin tonë në grupet e Ligës Konferencë.
Të enjten në këtë kompeticion nuk do të debutojë vetëm ekipi kampion, Ballkani, por e tërë Kosova.
Me fillim nga ora 18:45, në tempullin e futbolldashësve shqiptarë, “Fadil Vokrri” në Prishtinë, do të përballemi me CFR Cluj 1907 në ndeshjen e parë të grupit G në UEFA Conference League”, shkruan në faqen e FC Ballkanit.
