Kryetari Kadri Rahimaj ka prezantuar punët e ekzekutivit për gjashtë mujorin e dytë të vitit 2025.
Projekte të realizuara në arsim, infrastrukturë rrugore, shëndetësi, kulturë e zhvillim u paraqiten në detaje.
Kryetari Rahimaj e nisi këtë takim publik me fushën e arsimit ku tha se gjashtë mujorin e dytë në fushën e arsimit janë realizuar punë tejet të rëndësishme si: është hapur drejtimi i ri – kulinari, 154 përfitues të bursës komunale këtë vit, të gjitha shkollat me kamera sigurie dhe sistem vijushmërie, është ndërtuar çerdhja e re në Koretin, mjete të reja didaktike dhe lodra për fëmijë në çerdhe, poashtu janë duke u bërë përgatitjet e fundit për mësimin tërëditor.
Në fushën e infrastrukturës, Kryetari Rahimaj, paraqiti disa nga projektet kryesore. Sipas tij është bërë sinjalistika në qytet, është zgjeruar dhe asfaltuar rruga kryesore në qytet si dhe është pajisur me ndriçim e trotuar, janë përfunduar edhe 11 rrugë lokale në Hogosht, 8 rrugë të tjera të asfaltuara për Karaçevën e Poshtme, 11 rrugë të asfaltuara në Karaçevën e Epërme, asfaltimi i dy rrugëve të tjera në Koretin, është rregulluar trotuari në Kopërnicë e rrjeti i ndriçimit public, janë asfaltuar 10 rrugë në Muçiverc, dy rrugë në Dajkoc, asfaltimi rrugës “Tema” në Busavatë, asfaltimi i 12 rrugëve në Roganë, rregullimi i parkingut të AMF-së në Roganë, është shtruar shtresa e dytë e asfaltit tek rrugët në Feriçevë, Lumi në Kopernicë do të kthehet në atraksion për qytetarë ku në një projekt për këtë janë paraparë shtigje për ecje, hapësira rekreacioni, fushë streetballi, parking për vetura, parking për biçikleta, është rregulluar parkingu i shkollës “Dëshmorët e Kombit”, do të rinovohet stadium i qytetit, do të bëhet asfaltimi i rrugëve në Krilevë, poashtu në process është asfaltimi i 17 rrugëve në Topanicë, ndër të tjera në proces është edhe asfaltimi i rrugëve në lagjen “Malësia” në qytet.
Ndërsa në fushën e Shëndetësisë, Kryetari Rahimaj ka përmendur këto projekte si: autoambulancë e re për QKMF.
Sa i përket Zhvillimit Kryetari Rahimaj theksoi se Raporti i Zyrës Kombëtare të Auditimit ka dhënë opinion të pamodifikuar për pasqyrat financiare, ndër të tjera janë ndarë pakot babybox për përfituesit e rinj, një ditë i është kushtuar diasporës, Kamenica është përzgjedhur për shpërbdarjne e interinetit publik falas, është arritur marrëveshja për hartimin e planit të mobilitetit, është organizuar festivali Kamenica Summer Fest, 19 praktikantë me pagesë janë angazhuar në Komunën e Kamenicës, Kamenica është bërë pjesë e rrjetit botëror ‘Mayors for Peace’, projekti për ndërtimimin e Parkut të Aventurave tek Lugu i Verdhë, është nënshkruar marrëveshja për dhënien në shfrytëzim të vendgjahishtes, është ndërtuar kuzhina popullore në shërbim të nxënësve dhe rasteve në nevojë.
E në fushën e Kulturës, Kryetari Rahimaj përmendi disa aktivitete si realizimi i konferencës shkencore ‘Kamenica në rrjedha të historisë’, për herë të parë është mbajtur dita e nderit në Kamenicë.
Takimin Kryetari Rahimaj e mbylli duke thënë se për vitin 2026 Kamenica do të ketë buxhetin më të madh në histori me gjithësej 15,606,103 Euro, ku sipas tij prej tyre 2 milionë Euro janë të dedikuara për investime kapitale./Gjilani INFO/
