Në konferencën e sotme për media apo më mirë thënë në prag të sfidës kampionale ndaj Dukagjinit, takim ky që zhvillohet të dielen në Klinë, Jamal Arago, futbollist i SC Drita, mbrojtës i qendrës, ka këruar që bashkëlojtarët të luajnë me vëmendje.
Sipas tij, dihet se ekipa rivale ka cilësi dhe si e tillë edhe ka marrë maksimumin e pikëve nga dy ndeshjet e para kampionale.
Ai ka thënë se kjo është njëra nga ndeshjet më të rëndësishme, pasi që në fazën e parë të kampionatit nuk kemi marr asnjë pikë nga Dukagjini, duke theksuar se është një mundësi e mirë për të treguar para tifozëve tanë dhe klubit se jemi gati për të dhuruar gjithçka nga vetja për këtë takim..
“Jemi duke punuar fuqishëm me trajnerin dhe stafin teknik dhe ndeshjet po i fitojmë një nga një, por ndonjëherë në futboll nuk shkojnë gjërat ashtu siç duhet”, ka thënë Arago.
Ai tha se është pranuar mesazhi i duhur nga trajneri dhe stafi teknik për të patur mentalitetin dhe përqendrimin e duhur në çdo ndeshje, duke nënvizue besimin në vete dhe në shokët e tij të ekipit që nga ndeshja e neserme të dëshmohet stabiliteti i ekipes gjilanase për rezultate favorite.
Dueli ndërmjet Dukagjinit dhe Gjilanit zhvillohet të dielën nga ora 13:00 në stadiumin “18 Qershori” në Klinë. /GJILANI INFO/
