Sot, i është dhënë lamtumira e fundit, doajenit të gazetarisë, Hasan Bunjakut, i cili ndërroi jetë një ditë më parë, në moshën 80-vjeçare. Trupi i të ndjerit, nga sot e tutje, do të prehet i qetë në varrezat e Qytetit të Gjilanit, ku është varrosur me nderimet e bëra nga familjarë, miq, kolegë, bashkëpunëtorë e qytetarë të tjerë.
Ai ka thënë se Gjilani, por edhe mbarë Kosova, gazetaria, publicistika dhe letrat shqipe, kanë humbur një njeri të madh, të atillë çfarë ishte gazetari e letrari Hasan Bunjaku, i cili me krijime letrare e publicistike është shquar që nga mosha rinore e deri në ditët e fundit të jetës së tij.
Shkodra, ndër tjerash ka përmendur edhe veprën e fundit letrare të të ndjerit “Një gjakim i pafat”, ku ai ka shkruar për historinë e një familjeje, por edhe historinë nëpër të cilën kaloi populli i Kosovës.
Familja Bunjaku ka bërë me dije se mbanë derën e hapur për ngushëllime treditore afër shtëpisë prej ku është nisur trupi i pajetë i gazetarit me emër në Kosovë e më gjerë, Hasan Bunjaku./GJILANI INFO/