Ismet Mustafa nga Gjilani, tashmë i pensionuar, të shtunden e javës së kaluar, ka gjetur 100 euro të procesuara në njërin nga bankomatët e NLB Bankës, Filiala në Gjilan, si dhe fakturën që lidhej me monedhat e përmendura.
Zotri Ismeti që njihet si njeri i mirë, i edukuar dhe me kulturë qytetare, ditën që kishte hasur në situatën e përmendur, ishte nisur nga shtëpija për të tërhequr ca para nga xhirollogaria e tij.
Ai për Agjencionin e Lajmeve GJILANI INFO tha se menjëherë ka telefonuar në Bankën Qëndrore në Prishtinë, me c’rast edhe i ka njoftuar për rastin.
Nga ana tjetër, prej atje është sugjeruar që të lajmërohet në NLB Bankën, filiala në Gjilan, me parat e gjetura dhe fakturën dëshmuese, të cilit sugjerim edhe iu është përmbajtur përpikërisht. Komunikimi i ndërsjellë me Bankës Qëndrore dhe Filialës në Gjilan, ka nxjerrë në pah faktin se parat e përmendura më lartë janë të një klienti nga Velekica e Gjilanit, përkatësisht të klientit, Sadik Abdyli.
Kështu thotë për rastin, qytetari Ismet Mustafa, duke theksuar se ndërkohë për rastin ka njoftuar edhe policinë.
“Unë në polici kam dhënë deklaratën lidhur me ngjarjen si dhe ua kam dhënë 100 eurot e procesuara e të gjetura në raftin poshte bankomatit, aty ku edhe dalin paratë si dhe fakturën e lëshuar nga bankomati për këto para, dy nga pesëdhejtë euro, që po i bie 100 euro”, tha ai.
I pyetur se mos ka patur ndonjë thirjje telefonike apo kontakt me përsonin që për të cilin bëhet fjalë, Ismeti tha se për momentin s’ka cfarë të thotë më shumë për rastin.
S’do mend se kështu duhet të veprojnë të gjithë qytetarët, duke dhënë kështu sejcili shembullin e mirë për tjetrin. /GJILANI INFO/
