Në kuadër të fushatës zgjedhore për zgjedhjet lokale të 12 tetor, Nisma Socialdemokrate në Gjilan po zhvillon takime nëpër lokalitete të ndryshme të Komunës së Gjilanit, e drejtuesi i këtij subjekti, që njëherësh është edhe bartës i listës së kandidatëve që garojnë për Asamble, Ismet Hajdini, u shpreh jashtëzakonisht i lumtur që po pritën ngrohtësisht kudo dhe se platforma e tyre politike po zgjon kërshëri dhe po mirëpritet.
Hajdini ka thënë se në këto takime të deritanishme me familje gjilanas, mbështetës të Nismës, me kategori të ndryshme shoqërore si dhe me qytetarë, po reflektohet qartë se kandidatët e Nisma-s janë të besueshëm dhe se brenda në Kuvendin Komunal do të jenë ata që do të veprojnë konkretisht, kur janë në pyetje kërkesat qytetare.
Hajdini ka bërë me dije se nuk garojnë në garën për kryetar komune, por në garën për Asamble komunale, kanë listën prej 20 kandidatëve të cilët janë vlera dhe ata po mirëpritën kudo nëpër takime.
Bartësi i Listës, Ismet Hajdini tha se do të jenë pjesë e Kuvendit dhe pavarësisht kush do të jetë kryetar komune, kuvendarët e Nisma-s do të jenë të angazhuar maksimalisht, si në kuvend, si derë më derë në ekzekutiv, për t’i shtyrë përpara kërkesat, përkatësisht projektet që janë nevoja reale të qytetarëve gjilanas.
Prandaj, Ismet Hajdini nga Nisma Socialdemokrate fton të gjithë qytetarët e Gjilanit pa dallim, që më 12 tetor t’i japim mbështetje edhe me votë, Listës së Nisma-s Socialdemokrate që të kenë vetën e tyre të përfaqësuar në Kuvend, përmes zërit të kuvendarit të Nisma-s.
