Të mërkurën, më 29 qershor 2022, në bashkëpunim me Komunën e Kamenicës, UNDP dhe DokuFest do të jenë në Amfiteatrin e Bulevardit të Qytetit në Kamenicë për një shfaqje në ambient të hapur të dokumentarit “Unë jam Greta”. Dokumentari do të shfaqet në Kinemanë Solare të DokuFestit dhe do të fillojë në orën 20:15.
Bashkohuni me ne ndërsa frymëzohemi nga udhëtimi global i aktivistes për çështje klimatike Greta Thunberg. Shfaqja e filmit është pjesë e projektit Climate Promise të financuar nga Qeveria Japoneze dhe është e hapur për publikun./GJILANI INFO/
