Alban Hyseni, kandidati i Lëvizjes Vetëvendosje, për kryetar të Komunës së Gjilanit
Sot me kënaqësi vizitova Qendrën Edukative për Teknologji Pro Coders, ku mbi 250 nxënës përgatiten në mënyrë profesionale për fushën e teknologjisë dhe të programimit.
Aty na mikpriti drejtuesi i qendrës, z. Ramiz Kastrati, i cili na prezantoi punën e tyre të përditshme dhe misionin për të rritur një gjeneratë të re që do ta bëjë Gjilanin dhe Kosovën konkurruese në botën digjitale.
Gjatë këti mandati, ne si komunë bashkë me Pro Coders kemi organizuar Javën “Vajzat në ICT 2025”, aktivitet i cili kishte për qëllim fuqizimin e vajzave dhe të rejave përmes teknologjisë, inovacionit dhe përdorimit të mjeteve të inteligjencës artificiale.
