Kandidati për Asamble Komunale në Gjilan, Abdyl Kurteshi nga Lëvizja Vetëvendosje, Qendra në Gjilan, në zgjedhjet lokale, ishte në një vizitë sot tek OVL e UÇK-së, tek Shoqata e Invalidëve të Luftës dhe Shoqata e Familjeve të Dëshmorëve të UÇK-së, Dega në Gjilan.
“ Vizitat tek organizatat e dala nga lufta e UÇK-së janë gjithmonë nderë, privilegj e respekt”, ka thënë, kandidati i këtij subjekti politik, Abdyl Kurteshi.
Sipas tij, këto vizita janë momente frymëzimi, përgjegjësie e inkurajimi për reflektime e avancime të pandalshme shoqërore e kombëtare.
Kurteshi ka theksuar se angazhimet e tij për këshilltar në Kuvendin e Komunës së Gjilanit do të konsistojnë në lartësimin e organizatave të dala nga lufta e UÇK-së”.
“Le të ecim përpara me vlerat më të çmuara si garancë për prosperitetin e Gjilanit modern”, ka thënë pas këtyre vizitave, Abdyl Kurteshi me numrin e tij te kandidatit për asmbleist 16./GJILANI INFO/
