Kryetari i Komunës së Gjilanit, Alban Hyseni ka bërë me dije se 153 lopë të racës simental janë ndarë për fermerët dhe se ky është numri më i madh i dhënë ndonjëherë për 23 vite.
Nga 159 aplikues për lopë qumështore, 153 janë përfitues.
“Bujqësia vazhdon të jetë një nga prioritetet tona. Viti 2023 e gjen këtë sektor me buxhetin më të madh ndonjëherë”, ka thënë i pari i Gjilanit.
Kryetari Hyseni tha se janë përherë në shërbim të fermerëve.
“Ky projekt është bashkëfinancim me organizatën Islamic Relief Kosova, ndaj të cilëve jemi falënderues dhe mirënjohës”, ka thënë kryetari i Komunës së Gjilanit, Alban Hyseni./GJILANI INFO/
