Edhe Komuna e Gjilanit, po vazhdon të ketë problem me buxhetin, si shkak i mos miratimit.
Funksionimi po vazhdon me operimin e 1/12 e buxhetit të vitit të kaluar.
Së shpejti do të thirret seanca e Kuvendi Komunal të ri, ku dhe do të votohet bartja e mjeteve vetanake.
Kryetari i Komunës së Gjilanit Alban Hyseni, ka sqaruar për çështjen e buxhetit
Ai theksoi se edhe Gjilani, njësoj si kryeqyteti, po përballet me problemin e buxhetit të pa miratuar.
“Por mënyra jonë e menaxhimit ka qenë krejt tjetër. Ne kemi respektuar plotësisht legjislacionin dhe nuk kemi hyrë në obligime pa mbulesë financiare”, tha Alban Hyseni.
I pari i Gjilanit, thekson se mungesa e buxhetit të miratuar dhe operimi me 1/12 e buxhetit të vitit paraprak ka qenë dhe vazhdon të jetë mjaft sfidues.
“Megjithatë, shumë shpejt do të thërrasim seancën konstitutive dhe do të votojmë edhe bartjen e mjeteve vetanake për t’i mbuluar obligimet ekzistuese”, tha kryetari Alban Hyseni./Gjilani INFO/
