Lutfi Haziri, Kryetar i Degës së Lidhjes Demokratike të Kosovës Dega në Gjilan, e njëherësh edhe nënkryetar në nivel qendror në konferencën e sotme për media tha se “përkundër që Vetëvendosje e solli Gjilanin në një gropë të zezë financiare, LDK rikonfirmoi konstruktivitetin e madh duke mbështetur maksimalisht shoqatat që trajtojnë personat me aftësi të kufizuar”.
Sipas tij, u tha se konstruktiviteti i madh i LDK-së në Kuvendin Komunal, bëri që të mbështeten shoqatat që trajtojnë persona me aftësi të kufizuar.
Tutje ai tha se përkundër që VV e solli Gjilanin në një gropë të zezë financiare, duke mos realizuar asnjë plan të investimeve, LDK rikonfirmoi konstruktivitetin e madh në Kuvendin Komunal duke mbështetur maksimalisht shoqatat që trajtojnë personat me aftësi të kufizuar.
“LDK do t’i bëhet gjithmonë krah i mbështetjes për Handikosin, Shoqatën e të Verbërve, shoqatën Pema, nxënësit, bujqit dhe të gjitha kategoritë e shoqërisë. Por, e keqja e madhe është që Gjilani për më shumë se tri vite ka humbur parametrat zhvillimorë, sepse synimi i kësaj administrate është punësimi i kunatave e balldëskave, punësimet klienteliste e puro partiake”, ka thënë haziri.
Sipas Hazirit, Gjilani tash e tri vite e ka humbur vëmendjen e Prishtinës.
“Ne si listë e LDK-së në Gjilan, zotohemi para qytetarëve se do ta rikthejmë kujdesin e Prishtinës sa u përket investimeve të mëdha. Veç Rruga e Re e LDK-së, me kryeministër Lumir Abdixhikun, garanton investimet e Gjilanit e Anamoravës”, tha ai.
Sipas tij u tha se vota më 9 shkurt, përkthehet si votë edhe për Komunën dhe për Kuvendin e Republikës.
“Gjilani dhe Kosova meriton shumë më shumë dhe shumë më mirë”, tha, Lutfi Haziri, kryetar I Degës së LDK[-së në Gjilan./GJILANI INFO/
