Kryetari i komunës së Vitisë, Sokol Haliti është duke marrë pjesë në konferencën me temën: “Dialogu për Paqe në Komunitet: Përpjekjet për pajtimin në Kosovë” që organizohet në kuadër të projektit FIERC – Nxitja e bashkëpunimit dhe pajtimit ndëretnik, një iniciativë bashkëpunuese e udhëhequr nga Qendra Kosovare për Studime të Sigurisë (QKSS) dhe Iniciativa e Re Sociale (NSI), e mbështetur nga Fondi i Paktit të Stabilitetit të Ministria e Jashtme Federale Gjermane.
Kjo konferencë shënon kulmin e përpjekjeve te ndërmarra nga projekti FIERC gjate viteve 2022 dhe 2023 për të rritur bashkëpunimin në mes të komuniteteve shumicë dhe joshumicë në gjashtë komuna anembanë Kosovës dhe përmirësimin e mundësive zhvillimore si dhe për të fuqizuar qytetarinë aktive në nivel bazë për të promovuar bashkëpunimin ndëretnik dhe pajtimi.
