Policia e Rajonit të Gjilanit ka ndaluar dje një shofer i cili kishte hyrë në rreth rrotullim nga ana e kundërt, duke shkaktuar kështu kundërvajtje “Shkaktim i rrezikut të përgjithshëm”.
I njëjti ka rezultuar të ishte edhe nën ndikim të alkoolit.
Policia e ka gjobitur me 200 euro, konfiskim patent shoferi me masën e përkohshëm e ndalim vozitjes në afat prej tre muajsh dhe dy pikë negative, si dhe automjeti i tij është konfiskuar përkohësisht.
“Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion, të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kujdestarë:192; 03850807001. Të dhënat e juaja do të ruhen ne konfidencialitet të plotë”, thuhet në njoftim.
