Njësia Rajonale e Komunikacionit Rrugor në Gjilan, ditë më parë, ka realizuar kontrolle të shtuara ndaj mjeteve të transportit publik ndërkombëtar, me qëllim rritjen e sigurisë në trafikun rrugor.
Dhe gjatë këtyre kontrolleve, është konstatuar se disa autobusë po qarkullonin pa kryer kontrollin teknik periodik gjashtëmujor, i cili është i detyrueshëm sipas Ligjit për Automjetet.
E, si rezultat i kësaj janë shqiptuar pesë gjoba ndaj kompanive të transportit dhe pesë të tjera ndaj drejtuesve të autobusëve.
Policia apelon që operatorët e transportit publik, sidomos ata që veprojnë në linjat ndërkombëtare, të respektojnë rregullat për të garantuar sigurinë në komunikacion.
