Këshilli i Bashkësisë Islame në Gjilan, në bashkëpunim me Shoqatën Humanitare “Bereqeti” – Dega në Gjilan, ka realizuar aksionin e shpërndarjes së mishit të kurbanit për 200 familje në nevojë.
Ky aktivitet humanitar synon të mbështesë familjet me gjendje më të rënduar ekonomike, duke u mundësuar atyre që të ndajnë gëzimin e festës dhe duke forcuar frymën e solidaritetit, humanizmit dhe kujdesit për shtresat më të ndjeshme të shoqërisë.
Nga Këshilli i Bashkësisë Islame në Gjilan u shprehën falënderime për të gjithë besimtarët, donatorët dhe kontribuuesit që mbështetën këtë nismë bamirëse, me urimin që kontributi i tyre të shpërblehet me shëndet, mirësi dhe begati./Gjilani INFO/
