Kandidati i nominuar për kryetar të Komunës së Gjilanit në Zgjedhjet Lokale që pritet të mbahen me 12 tetor të këtij viti, Nazim Gagica nga Aleanca për Ardhmërin e Kosovës në Gjilan, ka thënë se Gjilanit i duhet një Kuvend funksional duke theksuar se i qëlluari për këtë është Xhevat Bekteshi.
Gagica thotë se Xhevat Bekteshi është emër i njohur i veprimtarisë kombëtare dhe angazhimeve të hershme për liri e shtetndërtim. Dhe nga ditët e para, pjesë e Aleancës për Ardhmërinë e Kosovës, e që ka qenë gjithmonë në shërbim të interesit publik.
“Me përvojë të pasur në institucionet më të larta të shtetit – nga shef kabineti në Zyrën e Kryeministrit, drejtor departamentesh, ideator e përpilues i projekteve, i moduleve profesionale në strategji vendore,përpilues nënligjesh e rregullativave profesionale e deri te angazhimet e sotme në institucionet e larta arsimore – Xhevati përfaqëson përgjegjësi, dije dhe përkushtim”, ka thënë kreu I këtij subjekti politik.
Sipas tij, që nga themelimi i tij, Kuvendit Komunal të Gjilanit i ka munguar zëri i Xhevat Bekteshit.
“Tani është koha që ky zë i arsyes, dijes dhe angazhimit të palëkundur , të bëhet pjesë e legjislativit lokal. Livoqi përfaqësohet denjësisht përmes Xhevat Bekteshit. Ai është alternativa më e mirë për përfaqësim të ndershëm e vizionar”, ka thënë Gagica./GJILANI INFO/
