“Aleanca ka qenë gjithmonë në krah dhe në mbështetje të kategorive të dala nga lufta, si veteranët, familjet e dëshmorëve dhe invalidët e luftës. Për ne, këto kategori përfaqësojnë bazën mbi të cilën është ndërtuar dhe konsoliduar shteti ynë”, ka thënë Nazim Gagica, kreu i AAK- së, së Gjilanit, njëherësh kandidat i këtij subjekti politik për deputet në Kuvendin e Kosovës.
“Programi ynë parashikon rritjen e pensioneve për këto kategori, duke pasur si qëllim përmirësimin e kushteve të tyre të jetesës dhe vlerësimin e kontributit të tyre historik.
Ai tha se gjatë takimit me krerët e shoqatave të dala nga lufta në Gjilan, u informuan për sfidat me të cilat përballen këto kategori dhe familjet e tyre, si dhe për nevojat e menjëhershme që kërkojnë adresim.
“Si gjithmonë, do të jemi në mbështetje të kërkesave të tyre sa herë që ato paraqiten. Ky është një obligim i yni si shoqëri dhe si institucione për të qenë krah tyre, duke u siguruar që dinjiteti dhe sakrifica e tyre të respektohen gjithmonë”, thotë nazim Gagica, i pari i AAK-së së Gjilanit, njëherësh kandidat i këtij subjekti politik për deputet në Kuvendin e Kosovës./GJILANI INFO/
