Drejtoria rajonale e Policisë në Gjilan me datën 06.10.2023 ka bërë lansimin e fushatës sensibilizuese për sigurinë në komunikacionin rrugor për nxënësit e ciklit të ulët në disa shkolla të mesme të ulëta në qytetin e Gjilanit, për shoferët dhe kalimtaret e rastit.
Me këtë rast për nxënësit janë shpërndarë rekuizita të ndryshme si: varëse për çanta, vizore dhe shirita vezullues që vendosen në krahë. Po ashtu janë përcjellë mesazhe:
• Nxënësit të kenë veshje mundësisht me ngjyra reflektuese dhe të ndritshme kur ecni gjatë natës!
• Të përdoren decidivishtë vendkalimet e shënjuar për këmbësorë!
• Të kenë kujdes të shtuar gjatë lojërave të ndryshme kur ato zhvillohen pranë rrugëve me komunikacion të zhvilluar!
• Kujdes të shtuar gjatë trupimit të rrugës!
Gjersa për shoferët janë shpërndarë aromatizues për automjete e tyre si dhe janë përcjellë mesazhe:
• Në asnjë formë të mos përdoret telefoni gjatë drejtimit të mjetit!
• Stop drejtimit të mjetit nën ndikim të alkoolit dhe substancave narkotike dhe psikotrope!
• Rripi i sigurisë shpëton jetën tuaj!
• Kujdes gjatë ngasjes, ju keni vlerë për familjen dhe të afërmit e juaj!
Lansimi i kësaj fushate sensibilizuese është bërë nga koordinatori për projekte në komunitet dhe parandalim, njësiti i komunikacionit rrugor në bashkëpunim me njësitin e policisë në komunitet nga Stacioni Policor Gjilan si dhe stafin e shkollave në Gjilan. Shpërndarja e materialit sensibilizues gjatë ditëve në vijim do të bëhet edhe në qytetet dhe shkollat e tjera të rajonit të Gjilanit. /GJILANI INFO/
