“Ju njoftoj se kam vendosur të kandidoj për Asamblenë Komunale të Gjilanit nga radhët e LDK-së, me kandidatin për kryetar z. Arbër Ismajli”, ka njoftuar Florina Qamili Jerliu duke theksuar se përgjegjësia dhe përkushtimi i sajë do të jetë i madhë në pozitën dhe rolin e asambleistes.
Zonja Jerliu ka shprehur bindjen se bashkërisht Gjilani mund të bëhet një vend më i zhvilluar, më i sigurtë dhe i barabartë për të gjithë, pas zgjedhjeve lokale të 12 Tetorit të këtij viti.
“Përkushtimi im është dhe do të mbetet për zhvillim, siguri, drejtësi, transparencë dhe mirëqenie për çdo qytetar, andaj edhe ju ftoj të më mbështesni me votën tuaj”, ka thënë Florina Qamili Jerliu, kandidate për Asamblenë Komunale të Gjilanit nga radhët e LDK-së./GJILANI INFO/
