Komuna e Vitisë, po vazhdon me realizimin e projekteve të ndryshme në mbarë territorin e kësaj komune, thonë drejtuesit e komunës.
Me këtë rast kryetari i komunës, Sokol Haliti, ka vizituar punimet në që sapo kanë filluar në ndërtimin e një rruge nga varrezat e fshatit Tërpezë e deri të pishat e që aktualisht do të bëhet shtrimi i saj me zhavor.
I pari i Vitisë, tha se me ndërtimin e kësaj rruge qytetarët do ta kenë më të lehtë qasjen në parcelat e tyre, konkretisht në tokat bujqësore, por do të krijohet edhe një qasje në drejtim të pishave që njihet si një zonë e veçanërisht atraktive për zhvillimin e ekoturzimit në Viti.
Haliti gjithashtu theksoi se pret nga kompania e kontraktuar që punimet të kryen në cilësi dhe sipas dinamikës së paraparë. Përndryshe gjatë vizitës së tij në Tërpezë, i pari i komunës është takuar edhe me disa qytetarë të cilët e falënderuan atë për investimet e bëra në këtë lokalitet.
E, në emër të qytetarëve të këtij lokaliteti nga një fjalë rasti e kanë mbajtur Gazmend Salihu, kryetar i fshatit dhe këshilltari komunal, Sokol Shaqiri. /GJILANI INFO/
