Për dy ditë me radhë, më 21 dhe 22 nëntor 2025, në Shtëpinë e Kulturës “Isa Kastrati”, në Kamenicë, u mbajt Festivali mbarëkombëtar i këngëve dhe valleve “Kamenica Folk Fest”, një ngjarje që solli në skenë larminë dhe bukurinë e kulturës shqiptare.
Festivali mblodhi grupe artistike nga të gjitha trojet shqiptare, të cilat shpalosën traditat tona përmes këngëve dhe valleve popullore.
Në natën e parë performuan:
- A.K.V “Zëri Kamenicës” – Kamenicë
- SH.K.A “Malsori” – Gjonaj, Prizren
- A.K.V “Karadaku” – Gjilan
- A.K.V “Ilirida” – Shtime
- Rapsodi Hetem Matoshi
- SH.K.A “Hajvalia” – Hajvali
- SH.K.A “Tingujt e Vendlinjdes”
- Q.K.A “Anamorava” – Viti
Ndërsa nata e dytë solli në skenë:
- SH.K.A “Jahi Hasani” – Çegran
- SH.K.A “Dibra e Madhe” – Dibër
- Rapsodi Selajdin Miftari
- SH.K.A “Sharri” – Elez Han
- SH.K.A “Zëri Kosovës” – Fushë Kosovë
- SH.K.A “Bresana” – Dragash
Në këtë festival të pranishëm ishin: kryetari i Komunës së Kamenicës, Kadri Rahimaj, drejtori i Kulturës Behar Hyseni, përfaqësues të grupeve pjesëmarrëse dhe mysafirë të tjerë.
Kryetari Rahimaj uroi mirëseardhjen të gjitha grupeve pjesëmarrëse, duke theksuar se kultura dhe traditat tona përbëjnë vlera të çmuara që duhet ruajtur dhe prezantuar me krenari.
Publiku i pranishëm u argëtua nën tingujt e muzikës popullore dhe performancat e grupeve, të cilat sollën gjallëri dhe emocion në të dy netët e festivalit.
“Kamenica Folk Fest” u organizua në kuadër të agjendës së aktiviteteve të muajit të nëntorit./Gjilani INFO/
