Përfaqësues të KFOR-it turk në Gjilan janë solidarizuar me nevojat e familjeve skamnore të komunës së Gjilanit dhe Parteshit, veçmas në muajin e shenjtë të Ramazanit.
Familjet e gjitha komuniteteve janë ndimuar me artikuj ushqimor dhe veshmbathje, pa dallime, kanë njoftuar, drejtues të Ekipit Monitorues të KFOR-it turk.
Komandanti i LMT, major Oral Ates, bëri me dije për Gazetën Online “GJILANI INFO”, se gjatë këtij muaji janë ndihmuar rreth 200 familje me pako ushqimore, të cilat kanë pasur gjëra elementare, sikur që kishte edhe ndihma me veshmbathje për mëse 70 familje skamnore.
Majori Ates dhe zëvendëskomandanti, Selami Kutbay janë shprehur të lumtur dhe emocionuar për mundësinë që iu është dhënë për të ndihmuar këto familje.
Gjithashtu janë shprehur të ngazëllyer me familjet e përmendura për mikpritje dhe mirënjohjen për këto ndihma.
Sipas përfaqësuesve të KFOR-it turk në Gjilan, ndihmat në fjalë janë siguruar nga përfaqësia qendrore e KFOR-it turk në Prizren.
Ai tha se edhe bashkëpunimi ishte i shkëlqyer si me institucionet poashtu edhe me individët përgjegjës të fshatrave, përmes të cilëve janë identifikuar rastet e vërteta të familjet skamnore.
Nga ana tjetër, bëhet me dije se deri më tani janë diku 41 fshatra, të cilat janë vizituar nga ekipi i KFOR-it turk, ku edhe janë ndihmuar familjet në nevojë.
Njoftohet gjithashtu se aksioni për shpërndarje të pakove ushqimore, do të vazhdojë edhe në të ardhmen./Gjilani Info/
