Në kuadër të projektit “Ngritja e Vetëdijes dhe Besimit të Qytetarëve në Institucionet e Drejtësisë”, mbështetur nga Zyra e Bashkimit Evropian në Kosovë, Fakulteti Juridik i Universitetit Publik “Kadri Zeka” organizoi panelin “FOL Hapur mbi Qasjen në Drejtësi”. Ky aktivitet u zhvillua në kuadër të kampanjës “Qasja në Drejtësi”, me qëllim rritjen e ndërgjegjësimit të qytetarëve dhe studentëve mbi të drejtat dhe mekanizmat e sistemit të drejtësisë.
Studentë dhe njohës të fushës, krijuan një diskutim të hapur mbi sfidat dhe mundësitë për të përmirësuar qasjen në drejtësi.
Prof. Asoc. Dr. Fatmire Krasniqi, Dekane e Fakultetit Juridik, tha se ky aktivitet është një mundësi e shkëlqyer për studentët që të njohin më mirë institucionet e drejtësisë dhe të ndërtojnë besim në sistemin tonë ligjor.
Gjatë ngjarjes, u prezantua dhe “Udhëzuesin Praktik për Qasjen në Drejtësi”, dokument i cili ka për qëllim të fuqizojë qytetarët me njohuri ligjore dhe t’i orientojë ata në sistemin e drejtësisë.
Nga ana e tyre, përfaqësues të organizatës FOL theksuan rëndësinë e udhëzuesit praktik të përgatitur për qytetarët, duke thënë se udhëzuesi ofron informacione të qarta dhe praktike për të gjithë ata që duan të kuptojnë më mirë të drejtat e tyre dhe mënyrat për t’i ushtruar ato./Gjilani INFO/
