Aksioni për Nëna dhe Fëmijë (AMC), në bashkëpunim me OST – Eastern Switzerland University of Applied Sciences, ka realizuar një donacion për Qendrën Kryesore të Mjekësisë Familjare (QKMF) në Viti.
Në kuadër të këtij donacioni, QKMF-së në Viti i janë dhuruar dy shtretër medicinalë, të cilët tashmë janë vendosur në Qendrën e Mjekësisë Familjare (QMF) në Pozharan, me qëllim të përmirësimit të kushteve dhe shërbimeve shëndetësore për qytetarët.
Nga QKMF-ja në Viti kanë shprehur mirënjohje për donatorët, duke vlerësuar kontributin e tyre në mbështetje të institucioneve shëndetësore dhe të komunitetit.
“Falënderojmë Aksionin për Nëna dhe Fëmijë dhe OST – Eastern Switzerland University of Applied Sciences për këtë donacion të vlefshëm, i cili do të kontribuojë në krijimin e kushteve më të mira për ofrimin e shërbimeve shëndetësore për qytetarët”, thuhet në falënderimin e institucionit./Gjilani INFO/
