Tri skuadrat shqiptare nesër do të synojnë historinë në garat evropiane.
Bëhet fjalë për Shkëndijën e Tetovës, Dritën e Gjilanit dhe Dinamon e Tiranës.
Këto tri skuadra do të kenë punë shumë të rëndësishme në dy nga tri garat më të mëdha evropiane, në Ligën e Evropës, respektivisht në atë të Konferencës, me synimin që të shkruajnë histori për të hyrë në mesin e skuadrave më të mira.
Drita do të ballafaqohet me Differdangen në udhëtim, ku ka avantazh prej 2-1, pasi e kishte fituar ndeshjen e parë.
Shkëndija ka punë në udhëtim te Ludogoretsi dhe po ashtu ka avantazh prej 2-1, ku gjithashtu e kishte fituar ndeshjen e parë në shtëpi.
Punë më të vështirë ka Dinamo ndaj Jagiellonias, pasi është në disavantazh prej 3-0 dhe nesër synon përmbysjen në stadiumin “Air Albania”.
Orari i tri ndeshjeve:
Differdange – Drita, 20:00.
Ludogorets – Shkëndija, 19:30.
Dinamo City – Jagiellonia, 20:45.
