Në hapsirat e Drejtorisë Komunale të Arsimit në Gjilan, sot janë pranuar me shumë kënaqësi një laptop dhuruar nga organizata Save the Children, përfaqësuar nga znj. Hana Lamaxhema. Kjo pajisje do të shërbejë për punën e ekipit vlerësues të fëmijëve me nevoja të veçanta, duke lehtësuar procesin dhe duke avancuar mbështetjen ndaj tyre”, njoftuan drejtuesit e kësaj Drejtorie.
Ndërkaq, pranimi i këtij donacioni është bërë në praninë e znj. Liridona Ukshni-Kosumi, Zyrtare për Fëmijë me Nevoja të Veçanta në DKA, dhe Shpend Nuhiu, Drejtor Komunal i Arsimit.
Me këtë rast, Drejtori Shpend Nuhiu, ka thënë: “Shprehim mirënjohjen tonë të sinqertë ndaj organizatës Save the Children për këtë kontribut të vlefshëm. Ky donacion është rezultat i seriozitetit dhe angazhimit të pandërprerë të Komunës së Gjilanit, Drejtorisë Komunale të Arsimit dhe stafit tonë për të ofruar kushte më të mira në shërbim të fëmijëve.
Sipas tij, bashkëpunime e kësan natyre dëshmojnë se vetëm me përkushtim, vizion dhe partneritet mund të arrihen rezultate të prekshme për mbështetjen e fëmijëve tanë./GJILANI INFO/
